خلاصة تجاربي الشخصية مع الغسيل الكلوي

تجاربي الشخصية مع الغسيل الكلوي بناء علي تجاربي الشخصية لسنين طويلة مع الغسيل لدرجة اني كنت كل شهر اغير مكان الغسيل سواء خاص او حكومي اتعلمت كتير وفهمت اكتر اهم ما فهمتة أن الدنيا بكل ما فيها لا تسوي وان الأخرة خيرا وابقي دعونا نرجع للسبب الرئيسي اللي خلقنا ربنا عزوجل عشان وهو العبادة.

امثله علي ذلك

1. كل ما تحتاج لمعرفته عن فلتر غسيل الكلى Platinum
2. كل ما تحتاج لمعرفته عن فلتر Theranova

تجاربي الشخصية مع الغسيل الكلوي

الموضوع باختصار يخص الفلتر اللي انا عن نفسي بعتبرة من اهم الاسباب لكفاءة الجلسة واعراض كتير ممكن يعالجها لو فلتر كويس

جربت كل انواع الفلتر في السوق المصري سواء اللي بتقدمها الحكومة او اللي بشتريها بفلوس اي نوع فلتر مهما كان امكانياتة لو استخدمتة فترات طويلة بيعمل نوع من التعود يعني بالبلدي كدة الجسم بيتعود علية.

كلامي كمريض مجرب بعيد عن العلم والكلام ده تجربة ممكن تمشي معاك او لا. لمزيد من التفاصيل اهمية اختيار الفلتر ومقياس الإبرة لكفاءة غسيل الكلى

بس بجد دي تجربتي طبعا المستشفيات الحكومي مش هتديك حرية الاختيار لانهم محكومين بالطلبية اللي بتجيلهم

قبل ما اروح مكان جديد بروح زيارة عادية لاي مركز غسيل كلي وبسال علي الفلاتر المستخدمة وينفع اشتري فلتر او لا واشوف المكن وشكل المرضي ونوعية التمريض لان دي حياتي وراحتي حتي لو هيكلفني.

وبالإضافة إلى ذلك،

1. ما يجب عليك معرفتة عن فلتر fx للغسيل الكلوي
2. فلتر FX CorDiax المصمم لغسيل الكلى وحماية القلب

واخر حاجة بقي خلوا بالكم الغسيل مكلف علي المدي الطويل ده لو انتا عاوز تمشي صح في علاجك بما يرضي الله يعني هتعمل تحاليل شهرية (مستشفيات الحكومة مبقتنعش بنتائجها) والدواء بالاضافة لمتابعة مع دكتور كلي محترم تثق فية تتابع معاه مرة كل 3 شهور علي الاقل وكل ده مرهق ماديا لو حسبت مصاريف كل ده لمدة 5 سنين مثلا هتلاقي نفسك مجمع تمن عملية الزرع لكن مع الاسف الزرع غير مناسب لي لاسباب صحية

واسال الله لي وليكم الصبر ويرزقنا رضاة والجنة