2) لا تثق في أي شخص الشيطان كان من المُسبحين، مفيش بينا شخص من العشرة المُبشرين بالجنة النفوس بقت ضعيفة، والكل بيتغير.

3) الأمان كله ف الحاجات اللي بتتعمل في العلن، قدَّام كل البشر، برعاية الأهل والمجتمع والضياع كله ف أي شيء تعمله من السر والخفي.

4) متاخدش خطوة قبل أوانها، متحاولش تطلع السلم بالقفز عشان متقعش تتكسر، أمشي كل خطوة حسب أوانها وأديها حقها (صون عيلتك، أتعلم، اتخرج، اشتغل، أمن مستقبلك، الارتباط ييجي براحته).

5) لازم تعرّف الفرق بين أن يكون الشخص لطيف معاك لأن طبعه كده مع كافة خلق الله. أو عنده فراغ عاطفي أو أنّه بيخصّك بمعاملة مميّزة لأنّك تهمّه، وآخرة المُعاملة دي أيه.

6) بطل تراقب تحركات أي شخص، الأمر بيبدأ برغبتك للاطمئنان عليه ثم ينتهي بجنونك إذا تغير روتينه.

7) لا تنتظر من شخص يصغي لفضفضتك عشان يونسك، بيسمعوا فضفتك عشان عندهم فراغ. او عشان يعرفوا مصايبك أيه. وفي الآخر هيقولولك (يالا معلش).

8) أياك أياك أياك تشغل شخص من مقربينك معاك، لو عملت كده، مبروك أخدت نوبل في الغباء وهتتفصل علي أيده.

9) قسم وقتك حسب الأولويات، أهم شيء يوميًا وقت للعبادة، وقت لربك، كام آية قرءآن وصلاة، شغلك، صلة الرحم، لو عندك وقت بعد كده لخروجه او قعدة مع صحابك مفيش مانع. وأياك تجور على حق شخص.

10) متصرفش جنيه ف أي هلس، كل جنيه هتصرفه النهاردة هتحتاجه بكره، الأيام دي صعبة. محدش بيساعد حد لأن محدش عارف يساعد غير نفسه.

11) إقرأ إقرأ إقرأ، لو القراءة مُش كنز ومن ركائز الحياة مكنش ربنا عز وجل نزل (إقرأ) أول كلمة فالقرءان الكريم. لما بتقرأ العالم كله بيبقى داخل راسك.

12) خليك جد أكتر وقتك، قرّب من الناس اللي بتصون الود، اللي مبيجوش علي حد . اللي بيقرءوا ويتعلموا واوقاتهم كلها في حجات مفيدة، إللي أفعالهم وسمعتهم حلوة.

13) متحاولش تاخد شيء مش هتقدر تحميه، او مش هتقدر تصونه، او مش هتقدر تقوم بيه، وياريت تفهموا اللي بين السطور فالكلام ده ( متتجوزش واحدة أصغر منك بمراحل) متسعاش ترتبط بشخص من طبقة إجتماعية أعلى منك بكتير. عشان متحسش دايمًا بالنقص، لا تتعالي علي شخص إختارك بكامل إرادتك أنه يكون شريك.

14) الآخرة خير وأبقى.

15) الكذب أول آيات النفاق، متعاشرش كذاب ايات المنافق

16) الشياطين اللي فالشارع، هما هما الملايكة اللي علي الفيس بوك أياك تنسى النقطة دي.

17 ) مفيش قاعدة ثابتة، بس غالبًا البنت بتتجوز من (إبن عمها / عمتها – خالها / خالتها – إبن الجيران ابن صاحب باباها، او صاحبة مامتها – واحد من شارعهم او زميل ف العمل، نسب الطلاق والبيوت الخربانة بين الناس اللي متجوزين في أقاليم كبيرة جدا، ارتبطوا بناس تعرفوهم كويس، معاشرينهم. وتكونوا عارفينلهم كبير لو حصل خلاف نلجأله.

18) مع أي خلاف، متأجلش حل الخلاف، الطبيخ لو بات بيحمض علي طول روح وأتأسف. حتى لو واثق إن أسفك مش هيتقبل اتأسف مرة وأتنين وعشرة لو غلطان، مش عيب.

19): مُش كل شيء ينفع تحكيه، في حجات مينفعش نجادل فيها (خولة بنت ثعلبة لما اختلفت مع زوجها جادلت فيه رسول الله (ص). ولما حبت تشتكيه، إشتكته لله عز وجل مش لشخص تاني).

20) ومن يتقي الله يجعل له مخرجًا. إكتبها ع مرايتك، ع ازاز عربيتك، في ورقة في محفظتك خليك دايمًا شايفها ومؤمن بيها.