زراعة كلي لمريض حمي البحر المتوسط بداية .. ربنا يعفو عنا جميعا ويتولانا برحمته ويشفينا جميعا شفاءً لا يغادر سقماً اللهم آمين.

زراعة كلي لمريض حمي البحر المتوسط

أكيد في كتير بيفكر في موضوع زراعة الكلي سواء عايز يعرف الموضوع بيمشي ازاي او هو بدأ بس لسه في اول الموضوع وبتقابله عقبات ومش عارف هل دا طبيعي ولا لا. علي جانب اخر، موانع زراعة الكلى المطلقة والنسبية والمحتملة لبعض الحالات

تجربتي في عملية زراعة الكلى

لذلك حابب أشاركم تجربتي في عملية زرع الكلي لعل وعسي حد يستفيد، دعونا نتعرف بالتفصيل علي تجربة زراعة كلي لمريض حمي البحر المتوسط بالإضافة إلى ذلك، تجربة الإصابة بأمراض الفشل الكلوي وزراعة الكلي

أولاً أنا مريض حمي البحر المتوسط (مرض مناعي) بغض النظر عن تفاصيل المرض هبدأ من أول تدهور الحاله.

رحت لدكتور كان الكريات ١١ وبقاله اكتر من ٣ شهور كده كان في زيادة باستمرار وكانت البولينا مرتفعة وتهريب بروتين طبعا والحكاية كانت صعبه جدا. تجربتي مع غسيل الكلي وزراعة الكلي

دخلت ع الدكتور ودا كان اول مره اكشف عنده قلت لعل وعسي يكون في علاج؛ لك أن تتخيل من أول مره أشوف فيها الدكتور بعد طبعا ما وصفتله الحاله وشاف التحاليل وكده أول ما بدأ كلام قالي قدامك حل من اتنين إما الزرع (ولو هتزرع تبدأ تحضير من دلوقتي) أو الغسيل (ولو هتغسل تروح تعمل الوصلة برضو من دلوقتي).

انت في حالتك دي علي ما أمور تسوء و تتدهور تقدر تستحمل شهرين ودول كافيين انك تكون اخدت خطوة في حاجه من الاتنين اللي قلتلك عليهم .

قرار زراعة الكلي

أخدت قرار اني ازرع وتوكلت علي الله وبدأت التحضير (طبعا القرار مكانش ف يوم وليلة وطبعا كانت صدمة ف الاول وعلي ما فوقت كده اخدت وقت عشان اعرف اتصرف).

بدأت تحضير للزرع وكان ليا دكتور معرفه في المستشفي اللي زرعت فيها ودا كان أسوأ قرار أخدته لانه كان ساب المستشفي وملوش صلة بيها وانا معرفتش ده غير ف الاخر حتي هو مقاليش كده ف كانت الامور معقدة وحسيت ان دا عقاب لاني من طبعي مش بحب الوسايط لكن قدر الله وما شاء فعل.

لكن اللي اتضحلي بعدين ودا اللي معرفتهوش غير ف الاخر انه كان المفروض اتابع مع اي دكتور من الموجودين أساسي ف المستشفي (المتابعة بره يعني تكشف عنده خاص) وبعدين اتابع ف المستشفي وأبدأ في إجراءات التحاليل بقا ..

هيطلبوا تحاليل مبدأيه زي فصيلة الدم للمتبرع والمتلقي وتبدأ مرحلة التحاليل في نسق هما عارفينه كل متخلص مجموعة تحاليل وتطلع سليمة يتطلب منك مجموعة تاني وهكذا.

هنا بقا في نقطة حابب اعرفهالكم أن في تحاليل بتطلع غلط والخطأ وارد في اي مكان يعني انت لو متأكد ان معندكش الحاجه اللي ظهرت ف التحليل من ناحية مماثلة، ما هي فحوصات زراعة الكلي الكاملة للمريض والمتبرع

ف أنا أنصحك أن تعيده وتتأكد من صحة التحليل (أنا طلعت ف البداية أنا ووالدتي ايجابي فيرس سي واتقفل الملف وقالوا مفيش زرع اضطريت اعمل التحليل في تلات معامل تاني عشان اتاكد من صحة التحليل وطلع سلبي الحمدلله.

النقطة دي بتفرق لان تحليل واحد ممكن يوقف كل حاجه وبرضو مسحة كورونا طلعت ايجابي وف الاخر بعد عذاب ومصاريف اتاكدنا انها سلبي.

انا بقول كده عشان الحاجات دي بتأثر بطريقة مباشرة علي نفسية المريض، لذلك خلي عندك صبر وطول بال وحسن اتخاذ قرار عشان العقبات كتير مش قليله.

الأوراق الحكومية المطلوبة لزراعة الكلي

خلاص خلصنا التحاليل المطلوبة كلها والامور تمام تبدأ بعد كده مرحلة الورق الحكومي.

الأوراق الحكومية المطلوبة (ودا عن تجربة الزرع علي نفقة الدولة ومعرفش تفاصيل التأمين بتكون ازاي او غير التأمين.

بتحتاج ورقة من الشهر العقاري بيقر فيها المتبرع انه لا يمانع من التبرع بكليته وبرضو دا في حالة ان المتبرع قريب من الدرجة الاولي ومعرفش لو المتبرع غريب بيكون في اوراق تاني مطلوبة او لا. وفي الوقت نفسه، خطوات زرع الكلى علي التأمين الصحي شامل المتابعة والعلاج مجانا

بعد كده ملفك بيكون جاهز ويتختم من المستشفي وتصورة صورة او اتنين (الصورة بتفضل ف المستشفي) وبتاخد الاصل وتوديه المجالس الطبية عشان تاخد قرار بالموافقه علي اجراء العملية

(المجلس بينعقد كل اربعاء فيفضل انك تروح قبل يوم الاربعاء ) الورق مش بيطول ف المجالس طالما انعقد المجلس بيطلع القرار تاني يوم او مطلع الاسبوع الجديد ودي حاجه كانت مريحة واسهل خطوة في الحكاية كلها.

بعد كده بيطلع القرار وتوديه المستشفي فيطلبوا منك تصور الملف تاني عشان يدوك صورة توديها للمجالس عشان تاخد قرار بان العملية تتعمل علي نفقة الدولة.

وخلي بالك في اي مصلحة حكومية لو ختم او صورة شخصية اوي حاجه ناقصه ورقك هيترفض فلازم تتأكد ان كل اوراقك كامله بالاختام

بيطلع بعد كده القرار مش لازم تروح تجيبة ممكن المستشفي هي اللي تجيبه وكدا انت جاهز للعملية.

عشان تدخل العمليات لازم تكون تحاليلك سليمة مفيش التهابات، مفيش كرات دم بيضاء مرتفعة، مسحة كورونا تكون سلبي، مفيش دور برد او انفلونزا، مفيش اجسام مضادة، وبيتعمل برضو تحليل الخلطة قبل العملية ب ٤٨ ساعة ودا مهم بالنسبالهم برضة. بالتالي، هل الأجسام المضادة تمنع زراعة الكلي؟ واحدث طرق العلاج المتاحة

بيتطلب منك بعض اللوازم للعملية بتشتراها علي حسابك ومبتكونش غالية للدرجة يعني في حدود ٢٠٠٠ او ٣٠٠٠ تقريبا.

بتدخل العمليات وحقيقي العملية مش متعبة خالص ومفيش فيها معاناه وانت لما بتطلع وتشوف التحسن والتغيير اللي انت فيه حقيقي دا بيهون اي تعب ناتج عن العملية انت بتحس بيه .

بتحس بتحسن والالم بتاع العملية يقل بعد اول أسبوع تقريبا (وهنا لازم تعرف ان في فروق فرديه حسب حالة كل واحد وسنه وحالته النفسية.

عموما دا اللي شفته مش معايا انا بس ومع كتير غيري فلازم تقتنع ان في فروق فردية. إلى جانب ذلك، فترة النقاهة المفروضة بعد زراعة الكلي

بعد كده ف الغالب بتطلع بعد اول اسبوع او برضو حسب حالتك ممكن تاخد اكتر من أسبوع يعني انا مثلا اخدت عدوي بعد العملية واتحجزت ف المستشفي شهر لحد م اخف من العدوي.

بعد كده بتتابع كل اسبوعين مع المستشفي لمدة ٣ شهور بالتحاليل اللي هيقولولك عليها. ضمن هذا السياق، ما يجب ان تعرفة عن زيارات المتابعة بعد زراعة الكلى

بتعمل قرار نفقة دولة للعلاج بياخد اسبوعين او ١٠ ايام علي ميطلع وتبدأ بعد كده تصرف العلاج، لكن في الفترة اللي قبل القرار ما يطلع في علاجات بتشتريها علي حسابك وبتكون ضرورية ومهمه لانها ادوية المناعة، لكن بفضل الله الامور بتعدي وربنا بيسهلها والله بفضله وكرمه سبحانه وتعالي ..

نصائح مفيدة

في حاجات بتحتاجها ولا غني عنها ف الموضوع:

الصبر الصبر الصبر .

اتزانك نفسيا وحالتك النفسيه مهمه.

المدة اللي بتاخدها ف التحضير أنا معايا أخدت ٩ شهور وبتفرق برضو من شخص للتاني كل واحد حسب حالته .

الفلوس ودي بتختلف حسب عدة امور زي مثلا انت مكان اقامتك قريب من المستشفي ولا جاي من محافظة تاني فبالتالي هتحتاج سكن او خلافه من مصاريف

لذلك انا هتكلم ع الصاريف الاساسية كتحاليل وأشعات وغيره طبعاً مش هكون دقيق ف النقطة دي لان انت بتبقي مشغول بأمور اهم من الفلوس فبتعدي منك حاجات كتير متحسبهاش.

ف تقريبا كده كمصاريف اساسية بتحتاج ف الغالب من ١٠٠ الف الي ١٥٠ الف (قابلين للزيادة غير قابلين للنقصان) وبالاضافة الي، تكلفة زراعة الكلي في مصر ٢٠٢٤ وقائمة مراكز زراعة الكلي المرخصة في مصر

فبالنسبالي يعني انا من محافظة بعيد عن المستشفي وكنت واخد سكن هنا ومصاريف اكل وشرب ومواصلات وكده

آخر حاجه حسبتها قبل العملية ب شهر او اقل تقريبا كان المبلغ معدي ٢٠٠ الف وبعدها ولحد دلوقتى مرضيتش احسب انا صرفت كام فعليا وسبتها علي الله وربنا يعوضني خير يارب لان حقيقي المبلغ مش صغير بالنسبالي.

بس أكيد الحمد لله علي كل حال وأتمني من رب العالمين في هذا الشهر المبارك ان يتم علي نعمته ويبارك لي في الكلية الجديدة ويحفظها ما حييت اللهم آمين.

خصوصا اني اخدت الكلية من أعز وأغلي الناس علي قلبي وهي والدتي العزيزة أسال الله سبحانه أن يبارك في عمرها وصحتها ولا يحرمني منها أبدا اللهم آمين 🤲

وأخيرا محدش ييأس من المرض فهو ابتلاء من الله عز وجل انا كنت بتعب جدا ف الغسيل ومكنش بيظبط معايا خالص

بس الحمد لله علي كل حال، ولازم تعرف انه سواء بالغسيل او بالزرع يكفي ان في حاجه بتخفف آلامك ومحدش ييأس وكل شئ بأمر الله

وأسال الله سبحانه وتعالي أن لا يحرمنا جميعا نعمة الصحة والعافية وان يمن علينا بالشفاء العاجل ويخفف عنا الالام والاوجاع وأن يجزينا خير الجزاء ويمن علينا بالفردوس الاعلي حيث لا هم ولا مرض ولا شقاء اللهم آمين 🤲

المصدر: صفحة كليتي