بعض مشاكل مريض الغسيل الكلوي الصحية وطرق علاجها
مشاكل مريض الغسيل الكلوي وعلاجها غسيل الكلى علاج منقذ للحياة لمرضي الفشل الكلوي ، إلا أنه غالبًا ما يصاحبه آثار جانبية. اعتمادا على مدة الغسيل والحالة ، قد يحتاج المريض إلى مساعدة طبية إضافية أو تغييرات في نمط الحياة لمعالجة واحد أو أكثر من الاثار الجانبية المحتملة.
علامات الموت من الفشل الكلوي نهاية الحياة
هل غسيل الكلى يؤدي الى الموت
مشاكل مريض الغسيل الكلوي
في هذا المقال هنتكلم عن أهم مشاكل مريض الغسيل الكلوي
دايما عندي انيميا مع اني باكل كويس وبأخد حقن الايبركس .
انيميا مريض الغسيل الكلوي حلها حديد كافي + ايبركس ؛ لو الحديد مش كفاية ، الايبركس مش حيشتغل
ولو ما بتاخدش ايبركس ، الحديد مش كفاية لوحده. يبقي لازم تعمل تحليل حديد + فريتين + TIBC كل 3 شهور.
مشاكل العظام في مرضي غسيل الكلي وكيفية الوقاية والعلاج
التحاليل والأشعة الدورية المطلوبة لمريض غسيل الكلي
دايما بشتكي من ألم في العظم مع اني باخد الكالسيوم ووان ألفا (فيتامين د).
جرعات الكالسيوم وفيتامين د بيحددها تحاليل كالسيوم + فوسفور + غدة جار درفية كل 3 شهور
زيادة الادوية دي او قلتها بتأثر تأثير سيء علي العظم مسببة ألم و ممكن كسور.
معدتي بتوجعني علي فترات و اوقات كتير ما فيش شهية للاكل اعمل ايه ؟
الفشل الكلوي بيعمل التهاب في المعدة الحل هو الغسيل الجيد مع اخذ ادوية للمعدة لفترة كافية (شهر مثلا) عند حدوث ذلك.
أمراض الأعصاب في مرضي غسيل الكلى وعلاجها
بشتكي من تنميل وألم شديد في اعصاب الرجلين و الايدين.
ده برضه بسبب تاثير الفشل الكلوي و حاجات تانية زي السكر او التدخين علي الاعصاب
الحل برضه في انك تغسل كويس + توقف التدخين + تاخد مقويات للاعصاب زي فيتامين ب واقراص ميلجا ومسكن لألم الاعصاب + تمشي بانتظام علي الاقل في الايام اللي ما بتغسلش فيها .
انت يا دكتور قفلتها علينا ومش عارفين نأكل ايه
- بروتين حيواني : يوميا ما عدا اليومين اللي ما بتغسلش فيهم في نهاية الاسبوع.
- الخضار و الفواكه : ثمرة او 2 يوميا.
- النشويات : كل كويس زي ما انت عايز.
- السوائل : نصف لتر الي لتر يوميا .
مقال بقلم دكتور د. اشرف هنداوي
استشاري أمراض الكلى وضغط الدم
الزمالة الفرنسية لأمراض الكلى -جامعة ليون
للاستشارات الطبية والكشف ت : 01099743360
كفر الشيخ – المحاربين الجديدة
