أعراض فيروس كورونا ومتي تبدا العزل المنزلي لحين التأكد من الفحوصات

• حرقان في الزور
• صداع
• همدان
• مشكلة في التذوق
• مشكلة في الشم
• رشح
• كحة
• سخونية
• وجع في الجسم أو العظام أو العضلات
• مافيش نفس للأكل
• ميل للقيء أو قيء
• اسهال

٨٠٪ من الحالات المشتبه فيهم بالاصابة بكوفيد ١٩ بتبقى الأعراض بسيطة جدًا وعلاجها بيبقى في البيت عن طريق بروتوكول علاجي معين حسب الأعراض والفحوصات

متي تبدا العزل المنزلي

في حالة أنك بدأت تحس بالأعراض دي هتبدأ بعزل نفسك في المنزل، وهتعمل الفحوصات دي علشان يتم عرضها على طبيب مختص للبدأ في نصحك ببروتوكول العلاج المناسب لمرحلة اصابتك والأعراض وسنك وعوامل كتير بيتحدد عليها طريقة علاجك.

كم يعيش الإنسان بعد الإصابة بفيروس كورونا
عمر مريض فيروس كورونا

التحاليل والأشعات المطلوبة لتشخيص فيروس كورونا هي:

• CBC
• CRP
• LDH
• Ferritin
• D Dimer
• ALT
• أشعة مقطعية على الصدر

ولو كان فيه أعراض تنفسية، أو كحة، أو نهجان بسيط، أو بداية ازرقاق في الشفايف والأطراف هنحتاج نعمل أشعة مقطعية على الصدر + قياس لنسبة الأكسجين في الدم عن طريق Pulse Oximeter

خلال الفترة الأولى من العزل بنهتم بقياس الحرارة يوميًا، وبالتغذية السليمة وأكل الخضراوات والبروتين، وشرب كمية كبيرة من المية

وأهم شيء العزل المنزلي علشان ما نكونش سبب في عدوى المقيمين معانا في البيت.