كل ما يجب ان تعرفة عن الكمامة وانواعها ومميزات وعيوب كل نوع

• بيحمي المجتمع من انتشار العدوى وبيحمي كمان الشخص اللي لابسه بدرجة ما لكنه أكثر أهمية عندما يرتديه الشخص المصاب .. يعني لو كل الناس التزمت بيه هتحمي بعضها ..
• فيه أبحاث اتعملت بتقول إنه برضه بيوفر حماية للشخص اللي لابسه ممكن تصل لـ 60%.. بشرط إنه يكون من قطن كثيف ويكون متعدد الطبقات.
• يمكن غسله وكيه وإعادة استخدامه.
• يمكن صناعته يدوياً في المنزل وحتى بدون استخدام مكن خياطة.
• ده الماسك اللي أوصت منظمة الـ CDC باستخدامه للناس العادية.

الماسك القماش وعيوبه

• ممكن يدي احساس كاذب بالأمان للشخص اللي لابسه لأن كفاءته مش 100% فلازم الشخص برضه يبعد عن الزحام قدر الإمكان ويحافظ على المسافة الآمنة.
• يجب التعامل معه بحرص حتى لا يتسبب في نشر العدوى.

الماسك الجراحي ومميزاته

1- كفاءته في الحماية من الفيروس أعلى من الماسك القماش بشرط إنه يكون مصنع حسب المواصفات ..

الماسك الجراحي وعيوبه

1. يستخدم لمرة واحدة ولا يمكن إعادة استخدامه ..
2. الكفاءة برضه مش عالية أوي فالأهم إن يلبسه الشخص المصاب ..
3. بعد أزمة الكورونا السوق اتملى بأنواع رديئة.

ماسك الـ N95 بفلتر / الماسك الـ N95/FFP2 بدون فلتر مميزاته

حماية عالية جداً للشخص اللي لابسه بشرط إنه يكون محكم على الوجه ..

ماسك الـ N95 بفلتر / الماسك الـ N95/FFP2 بدون فلتر عيوبه

• مش بيوفر نفس الحماية العالية للأشخاص حوالين الشخص اللي لابسه لأن الفلتر بيشتغل كصمام في اتجاه واحد وبيخرج نسبة من الزفير (خاص بـالماسك الـ N95 بفلتر فقط .. لكن بدون الفلتر بيحمي الأشخاص حواليك)..
• مرهق مع التنفس لو بتتحرك أو تبذل مجهود (خاصة النوع بدون فلتر) .. وغير مريح وبيسيب علامات على الأنف والوجه لو استخدم لفترة طويلة.
• لازم يكون محكم جداً على الوجه مينفعش مثلاً تلبسه ودقنك طويلة وإلا هيبقى زيه زي غيره.
• المفروض إنه يستخدم لمرة واحدة لكن بسبب حالة الطوارىء بعض الجهات قالت إن ممكن تعقيمه في حالات محدودة.
• غالي وفيه ندرة في العالم بسبب احتياج الأطباء المتعاملين مع الحالات ليه.

نصائح هامة حول الكمامة وانواعها

• جميع الماسكات عشان كفاءتها تزيد لازم تبقى محكمة على الوجه.
• الماسك حماية ليك ولغيرك.
• مفيش ماسك ملوش عيوب والماسك القماش أنسب حاجة يمكن تعميمها خارج المستشفيات.

المصدر: كيف ومتى ‏تستعمل الكمامة