معلومات مثيرة عن غسيل الكلي الصناعي

معلومات مثيرة عن غسيل الكلي الصناعي – يعتبر العلاج الوحيد لمرضي الفشل الكلوي المزمن هو الغسيل الصناعي (الغسيل الدموي) بجانب الغسيل البريتوني وزراعة الكلي ,واكثر اشكال علاج الفشل الكلوي المزمن انتشارا في دول العالم هو غسيل الكلي الصناعي الذي يقوم به المرضي في المستشفيات ومراكز غسيل الكلي في هذا الموضوع سنتعرف علي معلومات مثيرة للاهتمام تهم المرضي واحبائهم حول موضوعنا معلومات مثيرة عن غسيل الكلي الصناعي

كم أنت عظيم ياربي جهاز من صنع انسان في أربع ساعات ينقي الجسم من الاملاح الزيادة والسموم كام يجني المريض من ألم وتعب تحت هذا الجهاز .سبحانه خلق الكلي الطبيعية في دقايق تنقي الجسم وبصفه منتظمه أكثر من مره في اليوم أما الصناعي ثلاث مرات كل اسبوع ,كل مره بشعر المريض بألم وتعب ومشقه

غسيل الكلي الصناعي بيعمل حاجتين :
1- بيخلص الجسم من السموم و الاملاح الزائدة .
2- بتخرج عن طريقه السوائل الزائدة لان البول بيقل مع الوقت عند مريض الغسيل.

ده بيحصل كل جلسة و تاني يوم تبدأ السموم تزيد تاني في الجسم وكذلك السوائل الزائدة …علشان كدة المريض بيغسل يوم بعد يوم = 3 مرات في الاسبوع × 4 ساعات علي الاقل كل جلسة.

بعد كل جلسة المفروض نسب اليوريا والكرياتنين تقل من 50 الي 70 % علشان الانسان يقدر يعيش كويس , وكمان جسمه ما يكونش متورم وضغطه مظبوط = ده معناه انه غسل كويس.

ده غسيل الكلي الصناعي الموجود في العالم كله : 3 جلسات × 4 ساعات علي الاقل تبعا للوزن …اقل من كدة في حالات استثنائية فقط زي وزن قليل جدا او سن كبير جدا ….
لو سبب تقليل المدة هو الدوخة و الارهاق يبقي فيه حاجة مش مظبوطة في الغسيل زي الوزن او انخفاض الضغط او السكر .

قلة وقت الغسيل وبالتالي كفائته يؤثر علي حالة المريض العامة وعلي مدة بقاؤه علي قيد الحياة ( العمر بيد الله طبعا …لكنها اسباب)

سبحان الله والحمدالله علي نعمه الصحه والعافيه اشكرك ربي علي ما انعمت عليه من نعمه الصحه والعافيه علي عبادك أرجوك ربي بحق ايامك المباركة ان تشفي كل مريض .