الوقاية من السرطان وفحوصات الكشف المبكر

تاني سبب للموت من السرطان عالميا. كل واحدة عمرها أربعين سنة او اكتر محتاجة تروح تعمل اشعة علي الثدي mammogram. وحتي لو مفيش حد في العيلة عنده سرطان.

وتعيد الاشعة في نفس المكان كل سنة و تخلي معاها دائما نسخة من الافلام.

لو فيه تاريج مرضي في العائلة بيحتاجوا يعملوا تحليل چينات علي الاقل BRCA. في أمريكا بنعمل تلاتة وعشرين چين.

٢. الوقاية من سرطان القولون

سن الخمسين بداية تحاليل سرطان القولون. محتاج منظار حتي لو مفيش اعراض. و علي حسب النتيجة محتاج تعيده مرة كل تلات لعشر سنين.

تحليل cologaurad مش كفاية و للأسف الناس بتستخدمه بدال منظار القولون وده خطأ ومضر.

المنظار مش بس التشخيص لكنه علاج في نفس الوقت لو لقي polyp بيشيلها و يمنع السرطان بإذن الله.

٣. الوقاية من سرطان البروستاتا

تحليل البروستاتا مفيش اتفاق امتي يتعمل لكن ممكن تبتدي عند سن الخمسين.

لو فيه تاريخ مرضي في العائلة لسرطان ثدي أو مبيض لابد من عمل تحليل چينات. عندي مرضي في التلاتينات من عمرهم بسرطان بروستاتا.

٤. الوقاية من سرطان الرئة

أشهر نوع سرطان وبيقتل حوالي اتنين مليون إنسان سنويا. الاعداد بتزيد في دول العالم الثالث وبتقل في الدول المتقدمة بسبب التدخين.

اشعة مقطعية low dose علي الصدر لكل مدخن علبة يوميا لمدة 30 سنة او علبتين لمدة 15 سنة او اكتر
كل العالم قلل التدخين ما عدا الدول العربية.

التدخين بيزود عرضة الاصابة تقريبا بعشرين نوع سرطان مختلف. الطريقة المثلي لوقف التدخين هي مرة واحدة زي ما بيقولوا في امريكا ( cold turkey). التدريج او سجاير اقل قطران كله كلام فارغ.

كم يعيش مريض سرطان الكلى خطر أعلى في الرجال
سرطان الكلى التشخيص وما تحتاج إلى معرفته عن سرطان الكلي

٥. الوقاية من سرطان الكبد

اي حد عنده التهاب كبدي مزمن محتاج علي الاقل اشعة بالموجات وتحليل AFP مع متابعة.

العلاج متوفر وبنسبة شفاء عالية بإذن الله. Fatty liver بقت من التشخيصات المهمة مش زي زمان.

تقليل الوزن وبعض الدايت زي ال keto diet ممكن يقلل نسبة الدهون في الكبد.

جهاز علاج السرطان الالماني المعجزة
خيارات العلاج الجراحي لسرطان الكلى

بعد تشخيص السرطان

و اخيرا بعد تشخيص السرطان لازم فريق عمل من أطباء الجراحة والكيماوي والأشعة العلاجية والتشخيصية و الباثولوجي يشتغلوا مع بعض.

هنا فيه tumor board تقريبا يوميا بمجتمع لمدة ساعة نناقش فيها الحالات ونشوف الاشعات والباثولوجي.

خطة العلاج مش دايما جراحة الأول. كتير جدا بنبتدي بذيمازي أو كيمو مع علاج إشعاعي قبل الجراحة. المتابعة بعد التشخيص والعلاج مهمة.

مكونات عصير يمنع مشاكل الكلي والسرطان وأمراض أخرى
دراسة: هل مرضى غسيل الكلى عرضة لخطر السرطان

الوقاية خير من العلاج

اتكلموا مع اصحابكم و أهلكم و جيرانكم. اعمل الاشعات و التحاليل الاسبوع ده مش كمان ست شهور.

الوقاية خير من العلاج. متسمعوش كلام الوصفات البلدي والاعشاب مفيش دراسات اثبتت الكلام ده.

انتشر في الآونة الاخيرة كلام واحد بيتكلم عن مؤامرة من شركات الادويه. Follow the evidence based medicine.
و اخيرا و ليس آخرا الدعاء للمرضي وربنا يكشف البلاء والمرض عن الجميع!