جراحة زراعة الكبد وكل ما يجب معرفتة حول عملية زرع الكبد
جراحة زراعة الكبد هي عملية جراحية تهدف إلى استبدال كبد غير صحي بكبد جديد من متبرع آخر. تعد زراعة الكبد من أكثر العمليات التي تنقذ الحياة وتعالج أمراض الكبد المتقدمة. تحدثنا في مقال سابق حول التبرع بالكبد وما يجب ان يعرفة المانح والمستلم قبل التبرع بالكبد
ستجد في هذا المقال كل ما يهمك معرفتة عن
- متى يحتاج المريض لزراعة الكبد
- خطوات زراعة الكبد
- مراحل التحضير لزرع الكبد
- نسبة نجاح عملية زراعة الكبد في مصر
- شروط زراعة الكبد
- الحياة بعد زراعة الكبد
- كم تستغرق عملية زراعة الكبد
- كم فترة النقاهة بعد زرع الكبد
جراحة زراعة الكبد
تتم عملية زراعة الكبد عندما يكون الكبد معرضًا للفشل الشديد أو عندما يوجد سرطان في الكبد لا يمكن علاجه بوسائل أخرى.
يمكن أن يكون متبرع الكبد حيًا أو متوفى. في حالة المتبرع الحي، يتم إزالة جزء صغير من كبد المتبرع وزراعته في المريض.
أما في حالة المتبرع المتوفى، فيتم استخلاص الكبد من جسم المتبرع المتوفى وزراعته في المريض.
طرق تنظيف الكبد بمكونات طبيعية لصنع منظف ومطهر للجسد
تعد زراعة الكبد إجراءً جراحيًا معقدًا يتطلب فريقًا طبيًا متخصصًا ومجهزًا جيدًا.
ومع ذلك، فإنها توفر فرصة للعديد من الأشخاص الذين يعانون من أمراض الكبد المتقدمة للحصول على فرصة جديدة في الحياة وتحسين نوعية حياتهم.
جدير بالذكر اول عملية لزراعة الكبد في مصر منذ 16 عاماً، وحصل الأطباء المصريون على خبرات كبيرة من التعامل مع أكثر من 500 حالة وبمعدلات نجاح تصل إلى 90% وهي تعتبر أحد أعلى النسب للنجاح في عمليات زراعة الكبد حول العالم.
مراحل التحضير لعملية الزرع الكبدي
يعتبر تحضير جسم المريض والمتبرع الكبد قبل العملية من أهم الخطوات.
يتم فحص الجسمين للتأكد من توافق الجينات والتأكد من عدم وجود أي مشاكل صحية تجعل من المستحيل إجراء الزراعة.
يتم أيضًا تنسيق جدول عمليات الزرع بدقة ، نظرًا لأن العملية تعتبر أمرًا معقدًا ومطلبًا لاستخدام مهارات جراحية عالية.
تحضير المريض لعملية زراعة الكبد مش سهل وبياخد وقت ومجهود كبير مجهود جسدي ومجهود مادي ومجهود نفسي.
عملية التحضير ممكن تحتاج شهرين أو أكتر بتواجة فيهم تحديات مختلفة وكل مريض حسب حالته.
في مريض طبيًا بتكون حالته صعبة وفي مريض عنده مشاكل مادية وفي مريض عنده مشاكل نفسية واجتماعية بخصوص العملية وكل ده لإن عملية زراعة الكبد مختلفة عن أي جراحة أخرى مش بس عشان هي عملية كبيرة وخطيرة، لأ، دي كمان أطرافها مختلفة.
احنا عندنا مريض العملية هي أمله وغالبًا هي الحل الوحيد بالنسبة ليه وكمان عندنا متبرع وده شخص سليم ميه في الميه عايز يتبرع بفص من كبده عشان ينقذ حياة المريض، و ده بالذات مش مسموح بأي أخطاء معاه ومش مقبول يحصله مضاعفات خطيرة تهدد حياته لإنه في النهاية شخص متطوع مش محتاج أصلًا يعمل عمليات.
زراعة الكبد من متبرع حي وما يجب ان تعرفة
كل دي عوامل بتخلي مرحلة التحضير من أهم مراحل العملية ولا تقل عن الجراحة وعن المتابعة بعد العملية.
لذا يجب الاهتمام جدا بمرحلة التحضير وبيكون موجود بصفة يومية في عيادة التحضير استشاري كبد وجهاز هضمي وطبيب مقيم جراحة وآخر باطنة وكبد بالإضافة لمنسق الفريق وموظف إداري وممرضة وعاملة كلهم في خدمة المريض.
وبينضم ليهم بعد كده جزء من باقي أعضاء الفريق زي الجراحة والرعاية والتخدير والصيدلة الإكلينيكية والأشعة والمعامل وأطباء الأطفال في حالة المريض الطفل.
كل ده في اجتماع الفريق النهائي اللي بيحط اللمسات الأخيرة للتحضير وبينفذها المنسق عشان المريض ومتبرعه يبقوا جاهزين تمامًا للعملية بأعلى فرص نجاح ممكنة للاتنين.
خطوات التحضير لعملية زراعة الكبد
هو أول خطوة في جراحة زراعة الكبد و يتم فيها تجهيز كل من مريض الكبد و متبرعه لعملية زراعة الكبد
مواصفات المريض والمتبرع اللي بيتم تحضيره
مش أي مريض كبد بنقوله إنت لازم تعمل عملية زرع كبد لإن فيه مريض مش محتاج يعمل العملية وفيه مريض ما ينفعش يعمل العملية.
عشان كده اللي بيتم تحضيره هو اللي في المسافة ما بين الحالتين، يعني مريض كبد وعنده علامات فشل الكبد بدرجة معينة سواء بالتحاليل و الأشعات أو بالفحص السريري وفي نفس الوقت ما يكنش عنده مشاكل أخرى كبيره تمنع العملية زي مثلًا مرض شديد في القلب أو الصدر أو الكلى، و ده ما ينفعش يزرع من البداية.
تلف الكبد وقاية واعراض وعلاجات طبيعية
أما عن المتبرع فلازم يكون من فصيلة دم متوافقة وسنه من ٢١ إلى ٥٠ سنة أو من ١٨ لو قريب درجة أولى وجسمه متناسق وخالي من الأمراض المزمنة.
هدف خطوة التحضير
الهدف من التحضير هو الإجابة عن ٤ أسئلة، سؤالين بخصوص المريض وسؤالين بخصوص المتبرع
السؤال الأول للمريض هل حالته تسمح بإجراء العملية؟
والسؤال التاني ما هي الاحتياطات والمحاذير الواجب اتباعها قبل وأثناء وبعد العملية لتحقيق أعلى نسبة نجاح ؟
أما السؤال الأول بالنسبة للمتبرع هل هذا المتبرع مناسب للتبرع لهذا المريض تحديدًا؟
السؤال الثاني هل العملية آمنة بنسبة كافية على المتبرع؟
و طبعًا إجابة هذه الأسئلة هي اللي بتحدد نعمل العملية دي و لا لأ على حسب نتائج الفحوصات والتحاليل اللي بتتعمل خلال فترة التحضير.
بمعني ممكن جدًا أثناء التحضير أو في نهايته نلغي العملية خالص بسبب إن المريض حالته لا تسمح بإجرائها، أو المتبرع لا يصلح للمريض ده، أو في درجة خطورة غير مقبولة على المتبرع.
خطوات التحضير
التحضير بيتكون من جزئين أساسيين؛ فني و إداري، الفني هو عبارة عن مجموعة من الأشعات والتحاليل بتتعمل للمريض والمتبرع بالإضافة للعرض على الأطباء في التخصصات الأخرى.
أما الجزء الإداري فهو عبارة عن إجراءات إدارية ضرورية لإجراء العملية زي مثلًا موافقة لجنة أخلاقيات مهنة الطب وموافقة اللجنة العليا لزراعة الأعضاء ودي لجنة مكلفة من وزارة الصحة للموافقة على أي عملية زراعة أعضاء سواء كبد أو كلى بتتعمل في مصر.
وكمان إجراءات إدارية بتتعمل لجمع مبلغ العملية وجدير بالذكر إن العملية دي في المعهد القومي للكبد تمنها حاليًا ٢٧٥ ألف جنيه مصري مدعومة تمامًا من الدولة والجمعيات الخيرية الغير حكومية والمريض المصري مش بيتكلف من المبلغ ده حاجه.
مدة التحضير
للحقيقة مدة التحضير الفني والإداري بتختلف حسب حالة المريض والمتبرع و إذا كان حد فيهم محتاج علاج أو أي حاجه زيادة عن التحضير العادي سواء فنية أو إدارية.
وعامة أقل فترة تحضير ممكنة هي أسبوعين و في المتوسط التحضير بيحتاج ٨ أسابيع وللأسف ممكن فترة التحضير توصل لشهور لو المريض أو المتبرع عندهم مشاكل.
فريق زراعة الكبد
لازم نوضح إن فريق زراعة الكبد ده فريق كبير ومن تخصصات مختلفة زي الجراحة والباطنة والتخدير والرعاية والأشعة والمعامل وبنك الدم والصيدلة والتمريض والعمال وموظفين إداريين للإجراءات الإدارية لعملية زراعة الكبد.
الفريق ده بيكون متابع المريض أثناء تحضيره في كل خطوة، كل واحد حسب تخصصه بيتابع الخطوة بتاعته، لكن بعد ما التحضير يخلص لازم الحالة تتعرض على الفريق بصورتها الكامله.
عشان كده بيقوم المنسق بعمل عرض (presentation) لكل المعلومات عن الحالة وبتتعرض على شاشة بحضور ممثلين عن كل تخصصات الفريق اللي بيتابعوا معلومات المريض والمتبرع بدقة.
وبعد العرض كل تخصص بيقول ملاحظاته ويطلب اللي محتاجه للحالة واللي عادة بتكون حاجات بسيطة لو التحضير كان كويس.
بعد اجتماع الفريق بيبدأ العد التنازلي لمعاد العملية ، عشان كده فريق التحضير بينفذ توصيات اجتماع الفريق بأسرع وقت.
بحيث إن المريض يكون جاهز للعملية ومش باقي غير تحاليل دلالات الالتهاب اللي بعد ما تتعمل وتطلع سلبية يبقى المريض كده جاهز تمامًا اللي بتتعمل بعدها ب٤٨ ساعة على الأكثر.
فترة الإقامة والانعاش بعد زراعة الكبد
فترة الإقامة في الرعاية المركزة بتكون يوم للمتبرع و من ٥ ل٧ أيام للمريض الاتنين بيطلعوا القسم الداخلي للزراعة.
كل واحد في غرفة لوحده، معاه مرافق بنعلمه إزاي يتعامل مع المريض وإزاي يتَّبع إرشادات مكافحة العدوى، الغرفة بتكون مريحة ومجهزة بسريرين للمريض والمرافق وحمام خاص وتلاجة وشاشة LCD
الخدمة التمريضية في الدور متواصلة ٢٤ ساعة بالإضافة للمرور اليومي على المريض بواسطة أطباء الباطنة والجراحة والصيدلة الإكلينيكية وكمان دكاترة الأشعة عشان نطمن على التوصيلات الدموية للكبد الجديد.
الفترة دي بتكون من أسبوع ل١٠ أيام للمتبرع وحوالي أسبوعين للمريض بعدها بيخرجوا هما الاتنين على بيتهم بالسلامة.
بعد عملية زراعة الكبد
بعد ما المريض والمتبرع يروحوا بالسلامة بتبدأ مرحلة المتابعة اللي بتستمر حوالي شهر للمتبرع و مدى الحياة للمستقبل.
أول ٣ شهور بتكون متابعة لصيقة مرة أو مرتين في الأسبوع و تتباعد فترات المتابعة بعد كده لغاية ما توصل لمرة في الشهر أو كل ٣ شهور.
متابعة فص الكبد المزروع شئ في غاية الأهمية للتأكد من قيام الكبد بوظائفه على أكمل وجه
اكتشاف أي مشكلة وقت ظهورها مبكرًا والعمل على علاجها المتابعة لا تقل أهمية أبدًا عن العملية وفترة النقاهة بعدها
وهي العامل الرئيسي في استمرار عمل الكبد الجديد بكفاءة وفاعلية أطول فترة ممكنة تصل لعشرات السنين وده معناه حياة أحلى وصحة أفضل لمستقبل الكبد الحبيب.
بعد العملية، يحتاج المريض إلى رعاية متخصصة ومتابعة طبية مستمرة للتأكد من أن الكبد الجديد يعمل بشكل صحيح وتجنب الرفض المناعي.
يجب أيضًا على المريض اتخاذ الإجراءات اللازمة للمحافظة على صحة الكبد الجديد، بما في ذلك اتباع نظام غذائي صحي، وتجنب الكحول، واتباع نمط حياة صحي بشكل عام.
مصادر ملهمة ذات صلة
