أسألة مرضي غسيل الكلي الاشهر والاجابة عنها
أسألة مرضي غسيل الكلي في أسئله بتدور في أذهان مرضى الغسيل الكلوي اللي ممكن ياخدوها من حد غير متخصص فبيديهم معلومات غلط عن الغسيل الكلوي
21 نصيحة مجربة لمرضي غسيل الكلي
أسألة مرضي غسيل الكلي
عشان كده حابب في المقال ده إجابات على معظم الأسئله اللي بتبحثوا عنها
الغسيل الكلوي مش نهايه العالم في ناس بتعيش عشرات السنين قدام وهي بصحه كويسه ومستمره علي جلسات الغسيل الكلوي.
اهمية البروتين لمرضي غسيل الكلى وطرق زيادتة في النظام الغذائي
هل مريض الغسيل الكلوي مش المفروض ياكل بروتين ؟
بمجرد دخول مريض الكلي علي جلسات الغسيل الكلوي يفضل انه ياكل بروتين بكميات مناسبه 1,4 جرام لكل كيلو جرام من وزنه يومياً.
يعني لو وزنه 80 كيلو ياخد حوالي 100 جرام بروتين ( مش 100 جرام لحمة ).
هل ينفع اغسل كلي مرتين او اقلل وقت الجلسة كما يشرحها الاطباء
هل ينفع أغسل مرتين أو أقلل وقت الغسيل ؟
فيه مرضي ينفع لهم غسيل مرة في الاسبوع او مرتين. وده علي حسب التحاليل وكميه البول اليوميه.
ولكن علشان كفاءة الغسيل تكون جيده فيفضل يكون الغسيل ثلاث مرات أسبوعياً والجلسه تكون مدتها أربع ساعات للتخلص من كل السموم.
ما يجب ان تعرفة عن كفاءة غسيل الكلى كما يوضحها استشاري الكلي
إزاى أعرف إن فيه تقدم في صحتي علي الغسيل الكلوي ؟
وده بنعرفه بتحليل البولينا والكرياتنين قبل وبعد الجلسه علي الأقل مره في الشهر ومن خلال النسبه بمقدار نعرف كفاءة الغسيل.
غير نسبه الانيما والكالسيوم والفسفور الي ما غير ذلك من تحاليل
والاهم الشهيه للاكل تكون كويسه وان المريض يقدر يمارس حياته اليوميه بشكل طبيعي.
دراسة طبية: حكة الجلد (الهرش) تؤثر على مرضى الكلى وجودة حياتهم
أحياناً بحس بهرش بعد الغسيل إيه السبب ؟
السبب إما لعدم كفاءة الغسيل أو زيادة نسبة الفوسفور والكالسيوم في الدم فالدكتور بيكتبلك علي أدويه مناسبه لحالتك.
أسألة مرضي غسيل الكلي
(هتغسل كلي) الجمله دي بتكون في الاغلب صادمة وأول ما المريض بيسمعها بيحس إن الدنيا إسودت في عنيه وان نهايته قربت، الكلام ده مش صحيح أبدًا
الغسيل مش نهاية حياتك لو اهتميت بالمداومه علي جلسات الغسيل الكلوي مع الإلتزام بكل نصائح الدكتور المعالج بإذن الله هتقدر تمارس حياتك اليومية بصورة طبيعيه زي أي إنسان سليم
في ناس بنقابلها كل يوم وبنشوفها بصحه كويسه ( جارك، زميلك في الشغل ) وتكتشف بالصدفه إنهم مرضي فشل كلوي وعلى جلسات الغسيل الكلوي بصورة مستمرة.
وعلشان توصل لكده لازم جلسات الغسيل تكون جلسات عالية الكفاءة وبمواصفات معينه، وبفلتر معين، المواصفات دي بتفرق من مريض إلي أخر
المصدر: مركز الأستاذ الدكتور مبروك الشيخ
