حقائق عن وصلات الغسيل الكلوي كما ينصح بها جراحي الاوعية الدموية
وصلات الغسيل الكلوي مرحبا متابعين موقع كليتي وهنتحدث في موضوع هام جدا حول شريان الحياة لمريض غسيل الكلي وهنتكلم عن وصلة غسيل الكلوي كما ينصح بها جراحي الاوعية الدموية وتصحيح لبعض المفاهيم الخاطئة لدى بعض مرضى الغسيل الكلوي
الوصلة الوريدية الشريانية لمرضى غسيل الكلى
دليل القسطرة الوريدية شريان الحياة لمريض غسيل الكلى
وصلات الغسيل الكلوي
تعتبر الوصلة الوريدية الشريانية لمرضى غسيل الكلى كنز وتتم عبر عملية في الذراع التي بها أوردة أفضل
واثناء جلسة غسيل الكلي توضع الابر في الناحية الشريانية لنقل الدم من جسم المريض الي جهاز الغسيل الكلوي
ليمر في المصفي و يتم سحب السوائل الزائدة والسموم لتعيد الدم الى المريض بعد تنقيته
ومن المفضل عمل هذه الوصلة قبل البدء بعمل جلسات الغسيل الكلوي بفترة كافية حتي تكون الوصلة مستعدة للعمل
أغلي 20 نصيحة لعناية الفيستولا الوريدية الشريانية
معلومات مهمة عن القسطرة الوريدية المركزية لغسيل الكلي
حقائق عن وصلات الغسيل الكلوي
١- عملية الفيستيولا أو الوصلة الوريدية الشريانية هي عملية لا يتم تركيب أي جهاز خارجي بها
ولكن هي مجرد توصيل وريد سطحي بشريان وتأخذ وقتا لا يقل عادة عن ٤ أسابيع وممكن يصل الوقت ل ٣ أشهر
قبل ما المريض يقدر يغسل منها. يعني ما فيش حاجة بتركب و لا فيه جهاز.
٢- عملية الوصلة الوريدية الشريانية هي الأفضل على الإطلاق للغسيل الكلوي الدموي
وطبعا هي أفضل بمراحل من الشريان الصناعي وأفضل من القساطر المؤقتة أو الدائمة وتعيش فترة أطول بكثير غالبا
ولكن للأسف قد لا تصلح في بعض المرضى بسبب حالة القلب أو لحدوث انسداد مزمن للأوردة المركزية بسبب تكرار تركيب القساطر أو لعدم وجود وريد جيد لعمل العملية في ذراعي المريض.
٣- المرضى اللي بيحصل لهم تدهور مستمر في وظائف الكلى وما بدأوش لسة يغسلوا لكن طبيب الكلى المعالج شايف إن ده هايحصل لا قدر الله عاجلا أو آجلا
الأفضل يبدأ يعمل وصلة شريانية وريدية قبل ما يحتاج الغسيل بشهرين ثلاثة عشان يتجنب يركب قساطر خالص إن أمكن.
٤- الشريان الصناعي هو مجرد أنبوبة بلاستيكية مش جهاز من مادة اسمها PTFE بنوصلها بين الشريان وأي وريد كبير
ميزة الشريان الصناعي إنه ما بيحتاجش وقت وتطور عشان المريض يغسل منه ونسبة نجاحه أعلى بكتير من الوصلة الطبيعية
ولكن مصايبه أكتر بكتير أولا عمره الافتراضي سنتين في المتوسط بينما العملية الطبيعية ممكن تعيش عشر سنين و أكتر في بعض الأحوال
ثانيا احتمال العدوى البكتيرية على الشريان الصناعي أعلى بكثير من الوصلة الطبيعية وده ممكن يتسبب في مضاعفات خطيرة للمريض لا قدر الله
أقلها الانسداد و أخطرها النزيف الثانوي المميت وتلوث الشريان للساعد من يؤدي إلى احتمال الحاجة لربطه وده ممكن يؤدي إلى بتر الذراع لا قدر الله في حالات قليلة.
عشان كدة لا ينصح أبدًا بعمل أي شريان صناعي لمريض عنده وريد طبيعي كويس للعملية
ولو مش لاقيين بالفحص الإكلينيكي فلا بد من التأكد بالدوبلكس على الأوردة عند حد كويس في عمل الدوبلكس
لأن الدوبلكس ده بيتعمل بجهاز سونار -موجات صوتية- وبيعتمد على الطبيب اللي بيجري الاختبار
ولازم الدكتور اللي بيتعمل الاختبار سواء يكون طبيب أشعة أو أوعية يعلق على الأوردة السطحية المفتوحة في الذراع
وقطرها عند المعصم و الكوع و الذراع من الأعلى ويبص على الأوردة العميقة ويتأكد إنها مفتوحة وبالذات وريدي الإبط و فوق الترقوة وده جهاز سونار شبه اللابتوب وليه شاشة
ويختلف عن جهاز الدوبلر اليدوي اللي ليعرفنا فقط إذا كان الوريد أو الشريان مفتوح و لا مغلق.
وكلمة سونار هي نفسها موجات فوق صوتية و لما تتعمل على أوعية دموية بيكون اسمها دوبلكس.
٥- الأطفال عملياتهم هي نفس عمليات الكبار لكن الفرق إن أوردتهم أصغر فبتبقى أصعب واحتمالات احتياج لشريان صناعي أو قساطر أعلى.
تجلط وصول الاوعية الدموية المستخدمة لتدفق الدم في الغسيل الكلوي
اسباب تضيق الوصلة الوريدية الشريانية في غسيل الكلي
٦- الوصلة الشريانية الوريدية معرضة لمضاعفات كتيرة ومعظمها لا علاقة لها بالجراح اللي عملها ومنها الآتي
- إنها ما تشتغلش أو تشتغل وما ينفعش يتغسل منها ودي ممكن تكون بسبب سوء اختيار الوريد أو إن الوريد فيه أماكن متجلطة أعلى من مكان العملية أو هبوط ضغط المريض بعد العملية
- أو ان المريض يتخبط في ذراعه في مكان الوريد أو إن العملية ما تعملتش كويس أو إنه حصل ضغط على العملية بجهاز ضغط أو حد شكها قبل تطورها.
- والمفروض لو الوريد كويس والعملية اتعملت كويس المريض يحس بزنة على الوريد على الجلد من برة أو على الأقل نبض وده معناه إن العملية شغالة
- كونها تصلح للغسيل مستقبلا و لا لأ غدي قضية تانية وغالبا مش بسبب إن العملية اتعملت غلط.
- تضخم الذراع بعد العملية وتورمه وان الورم ده يزيد أثناء الغسيل وده بيكون بسبب انسداد الأوردة المركزية في الناحية دي وده غالبا بيحصل من تركيب القساطر
- مش بسبب إنها اتركبت غلط لكن هي القساطر في الطبيعي ممكن تعمل ضيق أو انسداد في الأوردة المركزية. و ده علاجه محتاج بوست طويل لوحده.
- التهاب مكان الإبر بتاعة الغسيل أو النزيف مكانها.
- تمدد و كبر حجم الوريد و ممكن يبقى كبير جدا و ده غالبا بيحصل بعد سنين لكن طول ما الجلد فوقه سليم والغسيل بيتم كويس من العملية فيفضل الإبقاء على العملية.
- حدوث تنميل أو تغير للون الأصابع أو برودة في اليد بعد العملية وده غالبا لأن الوريد بقى بيسرق دم أكتر من الشريان
- وغالبا في الحالة دي بتحتاج نضيق الفتحة اللي في الشريان عشان الدم اللي في الوصلة يقل.
المصدر
hemoaccess
لا تعليقات بعد على “حقائق عن وصلات الغسيل الكلوي كما ينصح بها جراحي الاوعية الدموية”
التعليقات مغلقة.